ಪ್ರೇಮದಲ್ಲಿ ಪಾವಿತ್ರ್ಯ ತ್ಯಾಗಗಳು ಅಪರೂಪಕ್ಕೆ ಸಿಗುತ್ತವೆ. ಪ್ರೇಮದ ಹೊಸ ವ್ಯಾಖ್ಯಾನವೂ ಸಿಗುತ್ತದೆ..
ಅದು ಪ್ರೇಮಂ ಪೂಜ್ಯಂ..!
ಚಿತ್ರದಲ್ಲಿ ಎರಡು ವಿಶೇಷತೆಗಳು ಒಂದು ಲವ್ಲಿಸ್ಟಾರ್ ಪ್ರೇಮ್ ಲವ್ಲಿಯಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನೊಂದು ಈ ಚಿತ್ರದ ನಿರ್ದೇಶಕ. ಮನುಷ್ಯನ ನರನಾಡಿಗಳ ವಿಷಯದ ಆಳವಾದ ಅಧ್ಯಯನ ಮಾಡಿರುವ ವೈದ್ಯ ಡಾ.ರಾಘವೇಂದ್ರ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.
ಪ್ರತಿ ‘ಪ್ರೇಮ್’ನಲ್ಲಿಯೂ ಹೊಸತನ ತುಂಬಿ ತುಳುಕುತ್ತದೆ. ಚಿತ್ರವೂ ಕೂಡ ಕ್ಲಾಸಿಕ್ ಅನುಭವವನ್ನೇ ನೀಡುತ್ತದೆ ಎಂಬುದಕ್ಕೆ ಚಿತ್ರದ ಟ್ರೈಲರ್ ಸಾಕ್ಷಿಯಾಯಿತು..
ನಿರ್ದೇಶಕ ಡಾ.ರಾಘವೇಂದ್ರ ಬಹಳವೇ ಆತ್ಮವಿಶ್ವಾಸದಿಂದ ಮಾತನಾಡಿದರು. ಏನೋ ಹೀಗೊಂದು ಹೊಸ ಪ್ರಯತ್ನ ಮಾಡಬೇಕೆನಿಸಿತು. ಪ್ರತಿಯೊಂದರ ಹಿಂದೆ ಒಂದು ಅಧ್ಯಯನ ಮತ್ತು ಪರಿಶ್ರಮವಿದೆ. ಹಾಗಾಗಿ ಈ ನಮ್ಮ ಪ್ರಯತ್ನವನ್ನು ಚಿತ್ರಮಂದಿರದಲ್ಲೇ ತೋರಿಸಬೇಕು ಎಂಬ ಆಸೆ ಮೊಳೆಯಿತು. ಹಾಗೂ ಎಷ್ಟೇ ಓಟಿಟಿ ಫ್ಲಾಟ್ ಫಾರಂಗಳಲ್ಲಿ ಅವಕಾಶಗಳಿದ್ದರೂ ಹೋಗಲಿಲ್ಲ ಎಂದರು.
ಪ್ರೇಮ ಅಜರಾಮರಾ.. ಪ್ರೇಮ ಮಧುರಾಕ್ಷರಾ.. ಎಂಬುದು ಎಷ್ಟೇ ಇದ್ದರೂ ಅದರ ತಾಜಾತನ ಹೊಳಪು ಪ್ರತಿ ಕ್ಷಣವೂ ಬೇರೆ ಬೇರೆ ಇರುತ್ತದೆ. ಪ್ರೇಮಸಂಗಮ, ಸಂಭ್ರಮ ಸಾಹಿತ್ಯ ಎಲ್ಲದರ ಬಗ್ಗೆ ಒಳ್ಳೆ ಪ್ರಯತ್ನವನಂತೂ ಮಾಡಲಾಗಿದೆ ಎಂದು ಆತ್ಮವಿಶ್ವಾಸ ದಿಂದಲೇ ಉತ್ತರ ಕೊಟ್ಟರು ನಿರ್ದೇಶಕರು.
ಲವ್ಲಿಸ್ಟಾರ್ ಪ್ರೇಮ್ ಅವರಿಗೆ ಇದು 25ನೇ ಚಿತ್ರ. ಇದು ಪ್ರೇಮದ ಇನ್ನೊಂದು ತೀರ.. ಇಲ್ಲಿ ಹೀರೋಯಿನ್ ಸ್ಪರ್ಶ ಕೂಡ ಮಾಡುವುದಿಲ್ಲ.. ಪ್ರೇಮದ ತೀವ್ರತೆ ಇದ್ದರೂ ಮನಸ್ಸು ಪ್ರಶಾಂತ ಅಂತಹ ಒಂದು ಪಾತ್ರವನ್ನು ಸೃಷ್ಟಿ ಮಾಡಿಕೊಟ್ಟಿದ್ದಾರೆ ಎಂದರು ನಾಯಕ ನಟ ಪ್ರೇಮ್.
ಇದು ನನ್ನ 25 ನೇ ಸಿನಿಮಾ..
ಟ್ರೈಲರ್ ಸೌಂಡ್ ಮಾಡಿದೆ..
ಕೆಲವರ ಕೋರಿಕೆ ಮೇರೆಗೆ ನಾವು 29ಕ್ಕೆ ಬರಲಿಲ್ಲ.. ನವೆಂಬರ್ 12ಕ್ಕೆ ಚಿತ್ರವು ಬಿಡುಗಡೆ ಕಾಣುತ್ತಿದೆ. ಮುಖ್ಯವಾಗಿ ಈ ಚಿತ್ರಕ್ಕೆ ಬೇರೆ ಬೇರೆ ಭಾಷೆಗಳಿಂದ ಆಫರ್ ಬರುತ್ತಿದೆ ಎಂಬುದು ಹೆಮ್ಮೆಯ ವಿಚಾರ ಎಂದರು ಲವ್ಲಿಸ್ಟಾರ್.
ನಟಿ ಬೃಂದಾ ತಮ್ಮ ಪಾತ್ರದ ಬಗ್ಗೆ ಹೇಳಿಕೊಂಡರು. ವಿತರಕ ಹೇಮಂತ್ ಮತ್ತು ಪ್ರದರ್ಶಕರಾಗಿರುವ ಜಗದೀಶ್ ಚಿತ್ರಮಂದಿರಗಳ ಸ್ಥಿತಿ ವಿವರಗಳನ್ನು ನೀಡಿದರು.
