ವಿದ್ಯಮಾನ

ಬಾಲಿವುಡ್​ನ ಜನಪ್ರಿಯ ಸಂಗೀತ ನಿರ್ದೇಶಕ ಸಲೀಂ-ಸುಲೇಮಾನ್​ ಅವರ ‘ಭೂಮಿ’ ಎಂಬ ಆಲ್ಬಂ ಪ್ರಕೃತಿ ಕುರಿತಾಗಿದ್ದು, ಈ ಗೀತೆಗೆ ಕನ್ನಡದ ಜನಪ್ರಿಯ ಗಾಯಕ ವಿಜಯ ಪ್ರಕಾಶ್ ಧ್ವನಿಯಾಗಿದ್ದಾರೆ.

ಪ್ರಕೃತಿ ಕುರಿತಂತೆ ಪ್ರತಿ ವರ್ಷ ಹೊರ ಬರುವ ‘ಭೂಮಿ’ ಆಲ್ಬಂನಲ್ಲಿ ಸಾಕಷ್ಟು ಜನಪ್ರಿಯ ಗಾಯಕರು ಹಾಡಿದ್ದಾರೆ.

ಈ ಬಾರಿ ‘ಭೂಮಿ 2022’ ಹೆಸರಿನ ಈ ಹಾಡಿಗೆ ವಿಜಯಪ್ರಕಾಶ್​ ಮತ್ತು ಸಲೀಮ್ ಮರ್ಚೆಂಟ್​ ಧ್ವನಿಯಾಗಿದ್ದಾರೆ.

ಈಚೆಗೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಹಾಗೂ ಆರೋಗ್ಯ ಸಚಿವ ಕೆ. ಸುಧಾಕರ್​ ಆಲ್ಬಂ ಬಿಡುಗಡೆ ಮಾಡಿ ಶುಭ ಹಾರೈಸಿದ್ದಾರೆ.

ಗುಲ್ಟು ಎಂಬ ಚಿತ್ರದ ಮೂಲಕ ಗಮನ ಸೆಳೆದ ನವೀನ್ ಶಂಕರ್ ನಟಿಸಿರುವ ಹೊಸ ಚಿತ್ರದ ಶೀರ್ಷಿಕೆ ಮೂಲತಃ ನಮ್ಮವರೇ..

ಕಿರಣ್ ಗೋವಿಂದರಾಜ್ ನಿರ್ಮಾಣ ಮತ್ತು ಚೇತನ್ ಭಾಸ್ಕರಯ್ಯ ನಿರ್ದೇಶನವಿದೆ. ಇದು ಕೌಟುಂಬಿಕ ಹಿನ್ನೆಲೆ ಚಿತ್ರ ಅಪ್ಪ ಮಗನ ಬಾಂಧವ್ಯ ಕುರಿತಾಗಿದೆ.

ಬೆಂಗಳೂರು ಹಾಗೂ ಕರಾವಳಿ ಪ್ರದೇಶಗಳಲ್ಲಿ ಚಿತ್ರೀಕರಣ ನಡೆದಿದೆ.
ಶೋಭ್ ರಾಜ್ ತಂದೆಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಮುಂಬೈನ ತಾನ್ಯ, ಅವಿನಾಶ್, ಮಾಳವಿಕ ಅವಿನಾಶ್, ಸತ್ಯಪ್ರಕಾಶ್ ತಾರಾ ಬಳಗವಿದೆ.

ಕೇರಳದ ಚಂತು ಛಾಯಾಗ್ರಹಣ, ಏಕ್ ಕ್ಯಾಬ್ ದಿ ಬ್ಯಾಂಡ್ ಸಂಗೀತ ನಿರ್ದೇಶನ ಹಾಗೂ ಜುವೀನ್ ಸಿಂಗ್ ಹಿನ್ನೆಲೆ ಸಂಗೀತ ಚಿತ್ರಕ್ಕಿದೆ.

ಧೈರ್ಯಂ ಸರ್ವತ್ರ ಸಾಧನಂ ಎಂಬ ಚಿತ್ರದ ಹಾಡು ಬಿಡುಗಡೆ ಕಂಡಿದೆ. ಎ. ಆರ್. ಸಾಯಿರಾಮ್ ಮೊದಲ ಚಿತ್ರ ಇದು.

ಇದೀಗ ‘ಹೆಂಡವೇ ನಮ್ಮ ಮನೆ ದ್ಯಾವರು’ ಎಂಬ ಹಾಡನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ನಿರ್ದೇಶಕ ಎ.ಆರ್. ಸಾಯಿರಾಮ್ ಮತ್ತು ಹೃದಯ ಶಿವ ಈ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ದೇವಾನಂದ್ ವರ ಪ್ರಸಾದ್ ಹಾಡಿದ್ದಾರೆ. ಜ್ಯೂಡಾ ಸ್ಯಾಂಡಿ ಸಂಗೀತ ಸಂಯೋಜನೆ ಇದೆ.

ವಿವನ್ ಕೆ.ಕೆ, ಅನುಷಾ ರೈ ಮುಖ್ಯ ಪಾತ್ರದಲ್ಲಿದ್ದಾರೆ. ಯಶ್ ಶೆಟ್ಟಿ, ಬ.ಲ. ರಜವಾಡಿ, ಪ್ರದೀಪ್ ಪೂಜಾರಿ, ರಾಮ್ ಪವನ್, ವರ್ಧನ್ ತೀರ್ಥಹಳ್ಳಿ, ಚಕ್ರವರ್ತಿ ಚಂದ್ರಚೂಡ್, ಹೊಂಗಿರಣ ಚಂದ್ರು ತಾರಾಬಳಗದಲ್ಲಿದ್ದಾರೆ.

ಚಿತ್ರೀಕರಣ ಪೂರ್ಣಗೊಳಿಸಿ ಇನ್ನು ಒಂದೆರಡು ತಿಂಗಳಲ್ಲಿ ಬಿಡುಗಡೆಗೆ ಸಿದ್ಧತೆ ನಡೆಸಲಾಗಿದೆ. ಶ್ರೀಕಾಂತ್ ಸಂಕಲನ, ರವಿಕುಮಾರ್ ಸನ ಛಾಯಾಗ್ರಹಣ ಚಿತ್ರಕ್ಕಿದೆ.

ಧರಣಿ ಮಂಡಲ ಮಧ್ಯದೊಳಗೆ ಎಂಬ ಚಿತ್ರದ ಮೂಲಕ ಗಮನ ಸೆಳೆದ ತಂಡ ಹೊಸ ಚಿತ್ರ ನಿರ್ಮಾಣಕ್ಕೆ ಮುಂದಾಗಿ ಶೀರ್ಷಿಕೆ ಅನಾವರಣಗೊಳಿಸಿದೆ.

ಆದರೆ ಶೀರ್ಷಿಕೆಯ ಪೂರ್ಣ ಹೆಸರು ಹೇಳದೆ ‘ಕೆ ಎ’ ಎಂದಷ್ಟೇ ಹೇಳಿ ತಂಡ ಪ್ರಚಾರದಲ್ಲಿ ತೊಡಗಿದೆ.

ಧರಣಿ ಮಂಡಲ ಮಧ್ಯದೊಳಗೆ ಚಿತ್ರಕ್ಕೆ ಸಹ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದ  ಸಂತೋಷ್ ಈ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕ.

ಯಶ್ ಶೆಟ್ಟಿ ಹಾಗೂ ಸಿದ್ದು ಮೂಲಿಮನಿ ಮುಖ್ಯ ಪಾತ್ರದಲ್ಲಿದ್ದು, ಕೀರ್ತನ್ ಪೂಜಾರಿ ಛಾಯಾಗ್ರಹಣ, ಬಕ್ಕೇಷ್ ಹಾಗೂ ಕಾರ್ತೀಕ್‌ ಚಿನ್ನೋಜಿ ರಾವ್ ಸಂಗೀತ ನಿರ್ದೇಶಕರು, ಗೌಸ್ ಪೀರ್ ಗೀತ ರಚನೆ, ಉಜ್ವಲ್ ಚಂದ್ರ ಸಂಕಲನ ಹಾಗೂ ಚಂದ್ರು ಬಂಡೆ ಸಾಹಸ ನಿರ್ದೇಶನವಿದೆ.

ಲವ್, ಸೆಂಟಿಮೆಂಟ್ ಕಥಾಹಂದರ ಹೊಂದಿರುವ ‘ಮೊದಲಮಿಡಿತ’ ಎಂಬ ಚಿತ್ರ ಈ ವಾರ ತೆರೆಕಾಣುತ್ತಿದೆ.

ಹರಿಚೇತ್ ಕಥೆ, ಚಿತ್ರಕಥೆ ಸಂಭಾಷಣೆ, ಸಾಹಿತ್ಯ ಬರೆದು ನಿರ್ದೇಶನದ ಜೊತೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ನಿಮೀಶ್ ಸಾಗರ್ ಹಾಗೂ ರಶ್ಮಿತ ರೋಜ ಮುಖ್ಯ ಪಾತ್ರದಲ್ಲಿದ್ದಾರೆ.

ಕೃಷ್ಣಪ್ಪ ಗುಂಡಸಂದ್ರ, ಗಟ್ಟಹಳ್ಳಿ ವಿಶ್ವನಾಥ್ ನಿರ್ಮಾಣದಲ್ಲಿ ಕೈಜೋಡಿಸಿದ್ದಾರೆ. ದೊಡ್ಡಬಳ್ಳಾಪುರ, ಬೆಂಗಳೂರು, ಚಿಕ್ಕಮಗಳೂರು, ಹಾಸನ ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ.

ರಾಮಕೃಷ್ಣ, ಸಂಗೀತ, ತಬಲಾನಾಣಿ, ಕಿಲ್ಲರ್ ವೆಂಕಟೆಶ್, ಕೆಂಪೇಗೌಡ, ಅರವಿಂದರಾವ್, ಭಾಸ್ಕರ ಶೆಟ್ಟಿ ಉಳಿದ ತಾರಾಗಣದಲ್ಲಿದ್ದಾರೆ.

ರಮೇಶ್ ಛಾಯಾಗ್ರಹಣ, ರಾಮ್ ಶೆಟ್ಟಿ ಪವನ್ ಸಂಕಲನ, ಕನಕರಾಜ್ ಕಲಾ ನಿರ್ದೇಶನ ಚಿತ್ರಕ್ಕಿದೆ.

ಲೂಸ್ ಮಾದ ಯೋಗಿ ಅಭಿನಯದ ‘ನಾನು ಅದು ಮತ್ತು ಸರೋಜ’ ಎಂಬ ಕೌತುಕಮಯ ಚಿತ್ರ ವರ್ಷಾಂತ್ಯಕ್ಕೆ ತೆರೆಗೆ ಬರಲಿದೆ..

ಈಚೆಗೆ ಚಿತ್ರದ ಟ್ರೇಲರ್ ಬಿಡುಗಡೆ ಕಂಡಿದೆ. ಡಿಸೆಂಬರ್ 30ರಂದು ಚಿತ್ರ ತೆರೆ ಕಾಣಲು ಸಜ್ಜಾಗಿರುವ ಚಿತ್ರದಲ್ಲಿ ವಿಶೇಷತೆಗಳು ಸಾಕಷ್ಟಿವೆ.

ಲೂಸ್ ಮಾದ ಯೋಗಿ, ಹಿರಿಯ ನಟ ದತ್ತಣ್ಣ ಹಾಗೂ ಅಪೂರ್ವ ಭಾರದ್ವಾಜ್ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಪೂಜಾ ವಸಂತಕುಮಾರ್ ನಿರ್ಮಾಪಕಿ ಮತ್ತು ವಿನಯ್ ಪ್ರೀತಮ್ ನಿರ್ದೇಶಕ.

ಸಂದೀಪ್, ಕುರಿ ಬಾಂಡ್ ರಂಗ, ಪ್ರವೀಣ್ ಶೆಟ್ಟಿ ಹಾಗೂ ಸಂಗೀತ ನಿರ್ದೇಶಕ ಪ್ರಸಾದ್ ಶೆಟ್ಟಿ ಟ್ರೈಲರ್ ಬಿಡುಗಡೆ ಸಂದರ್ಭದಲ್ಲಿದ್ದರು.

ಕೆ.ಎಂ.ರಘು ನಿರ್ದೇಶನದ ‘ಜಸ್ಟ್ ಪಾಸ್’ ಚಿತ್ರೀಕರಣ ಜನವರಿಯಲ್ಲಿ ಆರಂಭವಾಗಲಿದೆ. ನಟ ಶ್ರೀ ಮುಖ್ಯ ಪಾತ್ರದಲ್ಲಿದ್ದು, ಕಾಲೇಜು ಹುಡುಗರ ಕಥೆ ಇದಾಗಿದೆ.

ಮೈಸೂರು, ಸಕಲೇಶಪುರ, ಮಡಿಕೇರಿ ಮೊದಲಾದ ಕಡೆ ಚಿತ್ರೀಕರಣ ನಡೆಯಲಿದೆ ಶಶಿಧರ್.ಕೆ.ವಿ ನಿರ್ಮಾಪಕ. ಜನವರಿ 2ರಿಂದ ಚಿತ್ರೀಕರಣ ಆರಂಭವಾಗಲಿದೆ.

ಶ್ರೀ ಎದುರು ಪ್ರಣತಿ ನಟಿಸುತ್ತಿದ್ದು, ರಂಗಾಯಣ ರಘು, ಸಾಧುಕೋಕಿಲ, ಸುಚೇಂದ್ರ ಪ್ರಸಾದ್, ನವೀನ್ ಡಿ ಪಡಿಕ್ಕಲ್, ಪ್ರಕಾಶ್ ತುಮಿನಾಡ್, ದೀಪಕ್ ರೈ, ಅರ್ಪಿತಾ, ಬಿಂದು ಶ್ರೀ, ಯಶಿಕಾ, ವಿಶ್ವಾಸ್, ನಿಖಿಲ್, ಗಗನ್, ಅಭಿ ಚಿತ್ರದ ತಾರಾಬಳಗದಲ್ಲಿದ್ದಾರೆ.

ಕೆ.ಎಂ.ಪ್ರಕಾಶ್ ಸಂಕಲನ, ಹರ್ಷವರ್ಧನ್ ರಾಜ್ ಸಂಗೀತ, ವೀನಸ್ ನಾಗರಾಜ್ ಮೂರ್ತಿ ಛಾಯಾಗ್ರಾಹಣ ಚಿತ್ರಕ್ಕಿದೆ.

ಮ್ಯಾಥ್ಯೂ ಥಾಮಸ್ ಮತ್ತು ಮಾಳವಿಕಾ ಅಭಿನಯದಲ್ಲಿ ಆಲ್ವಿನ್ ಹೆನ್ರಿ ನಿರ್ದೇಶಿಸಿರುವ ‘ಕ್ರಿಸ್ಟಿ’ ಚಿತ್ರದ ಮೊದಲ ನೋಟ ಮತ್ತು ಶೀರ್ಷಿಕೆ ಬಿಡುಗಡೆ ಕಂಡಿದೆ.

ರಾಕಿ ಮೌಂಟೇನ್ ಸಿನಿಮಾಸ್ ಬ್ಯಾನರ್ ನಡಿ ಸಜಯ್ ಸೆಬಾಸ್ಟಿಯನ್ ಮತ್ತು ಕಣ್ಣನ್ ಸತೀಶನ್ ನಿರ್ಮಿಸಿರುವ ಈ ಚಿತ್ರ ಒಂದು ರೊಮ್ಯಾಂಟಿಕ್ ಫೀಲ್ ಗುಡ್ ಸಿನಿಮಾ ಎಂದು ಹೇಳಲಾಗುತ್ತಿದೆ.

ಸತ್ಯ ಘಟನೆಗಳನ್ನು ಆಧರಿಸಿ ನಿರ್ದೇಶಕ ಆಲ್ವಿನ್ ಹೆನ್ರಿ ಅವರೇ ಕಥೆ ರಚಿಸಿದ್ದು, ಬೆನ್ಯಮಿನ್ ಮತ್ತು ಜಿ.ಆರ್. ಇಂದುಗೋಪನ್ ಚಿತ್ರಕಥೆ ಬರೆದಿದ್ದಾರೆ. ಕೇರಳದ ಪೂವೂರ್ ಮತ್ತು ಮಾಲ್ಡೀವ್ಸ್ ನಲ್ಲಿ ಚಿತ್ರೀಕರಣ ಮಾಡಲಾಗಿದೆ.

ಚಿತ್ರಕ್ಕೆ ಆನಂದ್ ಸಿ ಚಂದ್ರನ್ ಅವರ ಛಾಯಾಗ್ರಹಣ ಮತ್ತು ಗೋವಿಂದ್ ವಸಂತ ಅವರ ಸಂಗೀತವಿದೆ.

ಸಾಹಸ ಸಿಂಹ ಡಾ.ವಿಷ್ಣುವರ್ಧನ್ ಬಾಳಿ ಬದುಕಿದ ಮನೆ ಹೊಸ ರೂಪ ತಳೆದು ವಿಭಿನ್ನ ಬಗೆಯಲ್ಲಿ ಕಂಗೊಳಿಸುತ್ತಿದೆ..

ಜಯನಗರದ 4ನೇ ಟಿ ಬ್ಲಾಕ್ ನಲ್ಲಿರುವ ವಿಷ್ಣು ನಿವಾಸ ‘ವಲ್ಮೀಕ’ ಈಗ ಹೊಸ ವಿನ್ಯಾಸದೊಂದಿಗೆ ಲಕ ಲಕ ಹೊಳೆಯುತ್ತಿದೆ..

ಇದು ಅಳಿಯ ಅನಿರುದ್ದ್ ಅವರ ಪರಿಶ್ರಮದ ಹಾಗೂ ಡಾ.ಭಾರತಿ ವಿಷ್ಣುವರ್ಧನ್ ಅವರ ಕಾಳಜಿಯ ಫಲ.. ಮನೆ ಹೊಸ ರೂಪ ತಾಳಿದೆ..

ನವೆಂಬರ್ 27ರ ಭಾನುವಾರ ನಡೆದ ನೂತನ ಗೃಹದ ಗೃಹ ಪ್ರವೇಶ ಕಾರ್ಯಕ್ರಮದಲ್ಲಿ ರಾಜ್ಯದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಪಾಲ್ಗೊಂಡು ಶುಭ ಹಾರೈಸಿದರು.

ಹಾಗೆಯೇ ಚಿತ್ರರಂಗ, ಕಿರುತೆರೆ ಹಾಗೂ ಇತರ ಗಣ್ಯರು ಆಗಮಿಸಿ ಶುಭ ಹಾರೈಸಿದ್ದು ವಿಶೇಷವಾಗಿತ್ತು..

ಬೆಂಗಳೂರಿನ ಸಹಕಾರ ನಗರದಲ್ಲಿ ಅತ್ಯಂತ ವಿಶಿಷ್ಟ ರೆಸ್ಟೋರೆಂಟ್ ಒಂದು ಗ್ರಾಹಕರನ್ನು ಕೈ ಬೀಸಿ ಕರೆಯುತ್ತದೆ. ಆಗ ಅಲ್ಲಿಗೆ ಭೇಟಿ ಕೊಡುವ ರಸಿಕ ಮನಸ್ಸುಗಳಿಗೆ
ಅಹ್ಲಾದ‌ ಮೈದುಂಬುತ್ತದೆ ಜೊತೆ ಬಾಯಿ ಚಪ್ಪರಿಸುವ ಆಹಾರ ಸೇವನೆಗೆ ಮೈ ಮನಸ್ಸು ತೃಪ್ತಿಕರ ಭಾವಗಳನ್ನು ಅನುಭವಿಸುತ್ತದೆ..

ಅದೇ ಕೆಜಿಎಫ್ ರೆಸ್ಟೋರೆಂಟ್..!

ಕೆಜಿಎಫ್ ಅಂದರೆ ‘ಕನ್ನಡಿಗಾಸ್ ಗೋಲ್ಡನ್ ಫುಡ್’ ಎಂದು ಕರೆಯಲಾಗಿದೆ. ಹೊರಗಡೆ ‘ಫುಡ್ ಮೈನಿಂಗ್ ಕಾರ್ಪೊರೇಷನ್’ ಎಂಬ ಬರಹವೂ ಕಾಣಿಸುತ್ತದೆ..

ಆದರೆ ನೀವು ಒಮ್ಮೆ ಒಳಗಡೆ ಕಾಲಿಟ್ಟರೆ ಯಶ್ ಅಭಿನಯದ ಕೆ.ಜಿ.ಎಫ್ ಚಿತ್ರವೇ ಗೋಚರವಾಗುತ್ತದೆ.. ಹೌದು ಕನ್ನಡಿಗಾಸ್ ಗೋಲ್ಡನ್ ಫುಡ್ ರೆಸ್ಟೋರೆಂಟ್ ನ ಆಶಯಗಳು ಇಡೀ ಕೆ.ಜಿ.ಎಫ್ ಚಿತ್ರದ ಕಲಾವಂತಿಯೇ ಎದ್ದು ಕಾಣುವಂತಿವೆ.

ಕೆ.ಜಿ.ಎಫ್ ಚಿತ್ರದಲ್ಲಿ ಬರುವ ಕಲ್ಲಿದ್ದಲಿನಿಂದ ಹಿಡಿದು ಹೆಲಿಕಾಪ್ಟರ್ ವರೆಗೆ ಎಲ್ಲವೂ ಕಾಣ ಸಿಗುತ್ತವೆ. ಅವುಗಳನ್ನು ನೋಡುತ್ತಾ ಸ್ವಾದಿಷ್ಟ ತಿನಿಸುಗಳನ್ನು ಮೆಲ್ಲುತ್ತಾ ಹೊಸ ಲೋಕವನ್ನು ಮೈದುಂಬಿಕೊಂಡು ಹೊರ ಬರಬಹುದು..

ಅಲ್ಲಿ ಮುಖ್ಯವಾಗಿ ಚಿನ್ನದ ಗಟ್ಟಿಗಳು.. ಚಿತ್ರದಲ್ಲಿ ಬಳಸಲಾದ ಶಸ್ತ್ರಗಳ ವಿನ್ಯಾಸಗಳು ಗಮನ ಸೆಳೆಯುತ್ತವೆ. ಇನ್ನು ಸಂತೋಷ ಕೂಟದ ವಿಷಯಕ್ಕೆ ಬಂದರೆ ಹಿಂದೆ ಮುಂದೆ ಅಕ್ಕಾ ಪಕ್ಕಾ ಕಲಾ ವಿನ್ಯಾಸಗಳನ್ನು ನೋಡುತ್ತಲೇ ಪಾರ್ಟಿ ಮಜಾ ಅನುಭವಿಸುವಷ್ಟು ಸುಂದರ ತಾಣವಾಗಿದೆ.

ಸ್ಫೂರ್ತಿಯನ್ನು ಮೈದುಂಬಿಕೊಂಡು ಓಡಾಡುವ ಯುವಕ ಶ್ರೀನಿವಾಸ್ ಮುರಳಿ ಅವರ ಕಲ್ಪನೆಯ ಕೂಸು ಇದು. ಎರಡು ರೀತಿಯ ಆಹಾರವೂ ಲಭ್ಯ. ಜೊತೆಗೆ ನಾಟಿ, ಚೈನೀಸ್, ಉತ್ತರ ಮತ್ತು ಭಾರತ ಮಾದರಿ ಆಹಾರ. ಹಾಗೆಯೇ ಇಂಟಾಲಿನ್, ಕೂಲರ್ಸ್, ಮಾಕ್ ಟೈಲ್ ಪದ್ಧತಿಯ ವ್ಯವಸ್ಥೆ ಇಲ್ಲಿ ಸಿಗುತ್ತದೆ..

ಇಲ್ಲಿನ ಆಸನ ವ್ಯವಸ್ಥೆಯೂ ಅದ್ಭುತ. ಪ್ರೇಮಿಗಳಿಗೆ ಖಾಸಗಿ ತಾಣದಂತೆ..
ಅಮ್ಮಂದಿರಿಗೆ ರುಚಿಯ ಸ್ವಾದದಂತೆ ನೈರ್ಮಲ್ಯ ಆಹಾರ ಸವಿಯುವ ಅವಕಾಶ. ಕೆ.ಜಿ.ಎಫ್ ಕೇವಲ ಹೆಸರಲ್ಲ; ಅದೊಂದು ಅದ್ಭುತ ಭಾವನೆ.

ಉದ್ಯಾನ ನಗರಿ ಬೆಂಗಳೂರಿನಲ್ಲಿ ಅಸಂಖ್ಯಾತ ಹೊಟೇಲ್ ಗಳಿವೆ. ಆದರೆ ಕಲಾ ಮೆರುಗು ತುಂಬಿಕೊಂಡು ರುಚಿಯ ಆಸ್ವಾದದ ಜೊತೆ ಥ್ರಿಲ್ಲಿಂಗ್ ಅನುಭವ ನೀಡುವ ಅಪರೂಪದ ತಾಣ ಈ ಕನ್ನಡಿಗಾಸ್ ಗೋಲ್ಡನ್ ಫುಡ್..

ಒಮ್ಮೆ ಭೇಟಿ ಕೊಡಬಹುದು..

ಸ್ಥಳ: ನಂ.15-16, 5ನೇ ಮುಖ್ಯರಸ್ತೆ, ಶಾಂತಿವನ, ಸಹಕಾರ ನಗರ, ಸ್ಟೆರ್ಲಿಂಗ್ ಹೈಟ್ಸ್ ಅಪಾರ್ಟ್ಮೆಂಟ್ ಪಕ್ಕ. ಬೆಂಗಳೂರು-92
ಸಂಪರ್ಕ : 8495880088, 8496880088
ಶ್ರೀನಿವಾಸ್ ಮುರುಳಿ..